1. პროგრამის ფარგლებში დაფინანსდებიან გარდაბნის მუნიციპალიტეტში რეგისტრირებული 25 წლამდე აკრედიტებული უმაღლესი სასწავლებლის სტუდენტი, რომელიც:

1.1 სწავლობს საბაკალავრო ან სამაგისტრო საგანმანათლებლო საფეხურზე, არის დედ-მამით ობოლი, შეზღუდული შესაძლებლობის მქონე, მრავალშვილიანი (4 და მეტი შვილი) ან/და სოციალურად დაუცველი (100 000 ქულის ჩათვლით) ოჯახიდან;

1.2 სწავლობს საბაკალავრო ან სამაგისტრო საგანმანათლებლო საფეხურზე და აქვს მაღალი აკადემიური მოსწრება (წინა სემესტრის საშუალო მონაცემით 90 ქულიდან 100 ქულამდე შეფასების ჩათვლით);

1.3 სწავლობს სოციალური მუშაობის ან ოკუპაციური თერაპიის საბაკალავრო საგანმანათლებლო საფეხურზე და აქვთ მაღალი აკადემიური მოსწრება (წინა სემესტრის საშუალო მონაცემით 90 ქულიდან 100 ქულის ჩათვლით).

2. პროგრამა ითვალისწინებს:

2.1 – 1 პუნქტის 1.1 ქვეპუნქტის გათვალისწინებული სტუდენტებისთვის სოციალურ დახმარებას, აკადემიური სასწავლო წლის განმავლობაში ყოველთვიურად 100 (ასი) ლარის ოდენობით;

2.2 – 1 პუნქტის 1.2 ქვეპუნქტით გათვალისწინებული, წინა სემესტრის განმავლობაში მაღალი აკადემიური მოსწრების მქონე სტუდენტებისთვის, სწავლის სემესტრული თანხის თანადაფინანსებას 500 (ხუთასი) ლარის ფარგლებში, ხოლო თუ წარჩინებული სტუდენტი ამავდროულად ფლობს შეზღუდული შესაძლებლობის სტატუსს – 700 (შვიდასი) ლარის ფარგლებში; პროგრამა ითვალისწინებს ერთი წლის განმავლობაში პირველი 70 (სამოცდაათი) განცხადების დაკმაყოფილებას.

2.3 – 1 პუნქტის 1.3 ქვეპუნქტით გათვალისწინებული წინა სემესტრის განმავლობაში მაღალი აკადემიური მოსწრების მქონე სტუდენტებისთვის, სწავლის სემესტრული თანხის სრულ დაფინანსებას 1125 (ათას ას ოცდახუთი) ლარის ოდენობით; პროგრამა ითვალისწინებს ერთი წლის განმავლობაში პირველი 12 (თორმეტი) განცხადების დაკმაყოფილებას.

2.4 – 1 პუნქტის 1.2 და 1.3 ქვეპუნქტებით გათვალისწინებული სტუდენტები შეიძლება დაფინანსდნენ წელიწადში ორჯერ. დაფინანსების მისაღებად განცხადება წარდგენილი უნდა იყოს: შემოდგომის სემესტრისთვის – არაუგვიანეს 15 სექტემბრისა, ხოლო გაზაფხულის სემესტრისთვის – არაუგვიანეს 15 მარტისა; განცხადებაში აუცილებელია მიეთითოს გადასახადის დაფარვის საბოლოო ვადა;

2.5  სწავლის საფასურის თანადაფინანსების მიღება არ ეწინააღმდეგება სტუდენტისთვის ყოველთვიური სოციალური დახმარების მიღების შესაძლებლობას.

3. დაფინანსების მისაღებად სტუდენტმა უნდა წარმოადგინოს შემდეგი დოკუმენტაცია:

3.1 პირადი განცხადება,

3.2  საქართველოს მოქალაქის პირადობის მოწმობის ასლი ან საქართველოს მოქალაქის პასპორტის ასლი;

3.3 იძულებით გადაადგილებული პირის/დევნილის მოწმობის ასლი (იძულებით გადაადგილებული პირის/დევნილის მომართვის შემთხვევაში);

3.4 ცნობა, სადაც მითითებული იქნება, რომ ისინი არ არიან ამ წესით გათვალისწინებული ანალოგიური დახმარების მიმღები იმ თვითმმართველი ერთეულის ბიუჯეტიდან სადაც არიან რეგისტრირებულნი (იძულებით გადაადგილებული პირის/დევნილის მიერ მომართვის შემთხვევაში);

3.5 ცნობა საქართველოს იუსტიციის სამინისტროდან „მრავალშვილიანი მშობლის სტატუსის დადგენის შესახებ“ ან განმცხადებლის და მისი დედმამიშვილების დაბადების მოწმობების ასლები (მრავალშვილიანი ოჯახის შემთხვევაში);

3.6 მშობლების გარდაცვალების დამადასტურებელი დოკუმენტი (დედ-მამით ობოლი სტუდენტის შემთხვევაში);

3.7 სსე აქტის ამონაწერი ან/და ცნობა სოციალური მომსახურების სააგენტოდან შეზღუდული შესაძლებლობის მქონე პირის სტატუსის შესახებ (შშმპ შემთხვევაში);

3.8 ცნობა სტუდენტის აქტიური სტატუსის დადასტურების შესახებ (ცნობა საჭიროა წარმოდგენილ იქნას ყოველი თვის 10-დან 25 რიცხვამდე მე-4 მუხლის „ა“ პუნქტის შემთხვევაში);

3.9 განმცხადებლის საბანკო რეკვიზიტები (1 „1.1“ პუნქტის შემთხვევაში);

3.10 ცნობა უმაღლესი საგანმანათლებლო დაწესებულებიდან ფაკულტეტის/სპეციალობის, აქტიური სტუდენტის აკადემიური მოსწრების (ქულების შეფასების), გადასახადის რაოდენობისა და მისი დაფარვის ვადის შესახებ (1 პუნქტის „1.2“ და „1.3“ ქვეპუნქტების შემთხვევაში);

3.11 ანგარიშ-ფაქტურა (ინვოისი) საბანკო რეკვიზიტების მითითებით აკრედიტებული უმაღლესი სასწავლებლიდან (1 პუნქტის  „1.2“ და „1.3“ ქვეპუნქტების შემთხვევაში)