1. პროგრამით მოსარგებლე

გარდაბნის მუნიციპალიტეტში რეგისტრირებული და მცხოვრები ერთ წლამდე ასაკის ბავშვები, რომლებიც არიან:

• სოციალურად დაუცველები (65 000 ქულის ჩათვლით);
• „ბავშვის უფლებების დაცვისა და მხარდაჭერის პროგრამის“ ბენეფიციარები.

2. პროგრამით მოსარგებლეთა დაფინანსების ზოგადი წესი და პროცედურები

• პროგრამის ფარგლებში დახმარების მისაღებად ბენეფიციარი წერილობითი განცხადებით მიმართავს და სრულყოფილ დოკუმენტაციას წარუდგენს გარდაბნის მუნიციპალიტეტის მერს (შემდეგში „მერი“) ან გარდაბნის მუნიციპალიტეტის შესაბამის ადმინისტრაციულ ერთეულში მერის წარმომადგენელს (შემდეგში „მერის წარმომადგენელი“). მიღებული დოკუმენტაცია შესასწავლად იგზავნება მერიის
  ჯანმრთელობის, სოციალური, ბავშვის უფლებების დაცვისა და მხარდაჭერის სამსახურში (შემდეგში „სამსახური“).
• პროგრამა ითვალისწინებს ერთ წლამდე ასაკის ბავშვთა ხელოვნური კვების დაფინანსებას თვეში 150 (ას ორმოცდაათი) ლარის ოდენობით.
• მერიის მიერ გაცემული ადმინისტრაციული დაპირება ძალაშია, თუ მის საფუძველზე მომსახურების გაწევა დაიწყება მისი გაცემიდან 30 (ოცდაათი) კალენდარული დღის ვადაში. ადმინისტრაციული დაპირების ვადის გაგრძელება (გამოუყენებლობის შემთხვევაში) შესაძლებელია ერთჯერადად, 30 (ოცდაათი) კალენდარული დღით.
• ფარმაცევტული კომპანიის მიერ მიღება-ჩაბარების აქტის მერიაში დაფინანსების მოთხოვნით წარდგენის ვადაა ჩვილ ბავშვთა კვების პროდუქტების გაცემიდან 30 (ოცდაათი) კალენდარული დღე.

3. მერიაში წარსადგენი დოკუმენტები

• განცხადება;
• განმცხადებლის (მშობლის/მეურვის/მზრუნველის/კანონიერი წარმომადგენლის) პირადობის მოწმობის ასლი;
• მშობლის/მეურვეობის/მზრუნველობის/კანონიერი წარმომადგენლობის დამადასტურებელი დოკუმენტი;
• ბავშვის დაბადების მოწმობის ასლი;
• ანგარიშ-ფაქტურა (ინვოისი) ან/და სხვა დამადასტურებელი ფინანსური დოკუმენტი;
• ცნობა ჯანმრთელობის მდგომარეობის შესახებ (ფორმა №IV-100/ა), სადაც მითითებული იქნება, რომ ბავშვი საჭიროებს ხელოვნურ კვებას (საკვების მითითებით).