- პროგრამით მოსარგებლეთა ჯგუფი
გარდაბნის მუნიციპალიტეტში რეგისტრირებული და მცხოვრები სოციალიზაციის ხელშეწყობის საჭიროების მქონე უფროსი თაობის (60+) ადამიანები (არაუმეტეს 30 პირისა).
- პროგრამის აქტივობები
- პროგრამაში ჩართვის მსურველთა მოძიება სხვადასხვა მხარის ჩართულობის და ინფორმაციის გავრცელების გზით;
- შეფასება და ბაზისური საჭიროებების დაკმაყოფილება:
- ძლიერი მხარეების, საჭიროებების და ინტერესების პირველადი შეფასება შემდგომი ნაბიჯების (ინდივიდუალური, ჯგუფური) დაგეგმვის მიზნით;
- პირველადი შეფასებიდან გამომდინარე, სრული შეფასების განხორციელება და შემთხვევის მართვა გამოკვეთილ ინდივიდუალურ ბაზისური საჭიროებების დასაკმაყოფილებლად, არსებულ სხვადასხვა მომსახურებაში გადამისამართება/სოციალური თანხლება და ჩართვის ხელშეწყობა;
- მოსარგებლეთა პირველადი შეფასებიდან გამოვლენილი ძლიერი მხარეების, საჭიროებების და ინტერესების გათვალისწინებით ჯგუფურ აქტივობებში ჩართვა.
- ფსიქო-სოციალური მხარდაჭერა:
- პროგრამის ბენეფიციარებთან ჯგუფური შეხვედრების უზრუნველყოფა სხვადასხვა ფსიქო-სოციალურ საკითხებზე, მოსარგებლეთა საჭიროებებზე, ძლიერ მხარეებსა და სურვილებზე დაყრდნობით;
- ინდივიდუალური ფსიქოლოგიური მომსახურებით უზრუნველყოფა, სრული შეფასებისა და მუშაობის პროცესში გამოკვეთილი საჭიროებიდან გამომდინარე ფსიქო-ემოციური მდგომარეობის ფუნქციონირების გაუმჯობესება-შენარჩუნებისთვის;
- თვითდახმარების ჯგუფების ორგანიზება სხვადასხვა საკითხზე (სულ ცოტა თვეში ერთხელ).
- თვითრეალიზაციის და სხვა უნარების გაძლიერება:
- სასწავლო ჯგუფების ორგანიზება ციფრული უნარების განვითარებისთვის, რათა შეძლონ დისტანციურად კომუნიკაციის დამყარება სოციალურ გარემოსთან;
- მოსარგებლეთა გამოკვეთილი ინტერესების საფუძველზე სასწავლო ჯგუფების ორგანიზება;
- უფროსი თაობის ადამიანების ინდივიდუალური შესაძლებლობების გამოვლენა და სურვილისამებრ ახალგაზრდებისათვის ამ უნარების სწავლება/გაზიარება;
- მოსარგებლეთა სხვადასხვა საზოგადოებრივ-მოხალისეობრივ საქმიანობებში ჩართვა (მათი ინტერესის გათვალისწინებით);
- საკუთარი უფლებების და მათი დაცვის გზების შესახებ საინფორმაციო ჯგუფური შეხვედრების ორგანიზება იურისტთან;
- კონსულტაციის გაწევა თვითდასაქმებასა და მცირე ბიზნესის რეგისტრაციის პროცედურების შესახებ.
- სოციალურ-კულტურული აქტივობები:
- მოსარგებლეთა საინტერესო ყოველდღიური აქტივობები და საჭირო სოციალურ-კულტურული აქტივობების ერთობლივი დაგეგმვა (წინასწარ შედგენილი გრაფიკის მიხედვით);
- დღესასწაულების აღნიშვნა მულტიკულტურული ფაქტორების გათვალისწინებით და პროგრამის მოსარგებლეთა აქტიური ჩართულობით;
- ხანდაზმულთა დღის აღნიშვნა ოჯახის წევრების ან/და სხვადასხვა უწყების, მათ შორის ბიზნესის ჩართულობით;
- მოსარგებლეთა საქმიანობიდან შემოსავლის მიღების ხელშეწყობა (მაგ. ნამუშევრების გამოფენებზე გატანა, ონლაინ გაყიდვებში მხარდაჭერა, გამოფენა-გაყიდვების ორგანიზება).
- პროგრამაში ჩართვის კრიტერიუმები
პროგრამაში ჩართვისათვის აუცილებელია მოსარგებლე (60 წლის და მეტი ასაკის) აკმაყოფილებდეს ჩამოთვლილთაგან სულ მცირე ერთ კრიტერიუმს:
- აქვს სოციალიზაციის აქტივობებში ჩართვის დაბალი ხელმისაწვდომობა;
- აქვს სოციალურად დაუცველის სტატუსი (150 000 ქულამდე);
- ცხოვრობს მარტო.
- პროგრამის ვადები
- პროგრამის მოქმედების ვადაა 2025 წლის 1 იანვრიდან 2025 წლის 31 დეკემბრის ჩათვლით.
- მოსარგებლეთა პროგრამის აქტივობაში ჩართვა განხორციელდება წლის განმავლობაში.
- მერიის პირის პროგრამაში ჩართვის გადაწყვეტილებას იღებს არაუმეტეს 10 სამუშაო დღეში.
- პროგრამაში ჩართვიდან არაუმეტეს ერთი თვის განმავლობაში განხორციელდება პირველადი და საჭიროების შემთხვევაში სრული შეფასება. შეფასებაზე დაყრდნობით პროგრამის მოსარგებლესთან ერთად განისაზღვრება საჭირო ინდივიდუალური და ჯგუფური აქტივობები.
- ინდივიდუალური მომსახურებისათვის შემთხვევის მართვის სპეციალისტი შეადგენს დროში განსაზღვრულ გეგმას.
- ყოველდღიურ და სოციალურ-კულტურულ ჯგუფურ აქტივობებში ჩართვა დაიწყება შეფასების დასრულებისთანავე.
- ფსიქოლოგის, იურისტის და მუნიციპალიტეტის მერიის თემის სოციალური მუშაკის მიერ კონსულტირება განხორციელდება წლის განმავლობაში, ინდივიდუალურ და ჯგუფების საჭიროებებზე დაყრდნობით.
- ცენტრი ფუნქციონირებს სამუშაო დღეებში (3 დღე კვირაში) 11:00 საათიდან 16 საათამდე.
- ჯგუფური შეხვედრები განხორციელდება წლის განმავლობაში, თვეში ოთხჯერ.
- პროგრამის პროცედურები
- პროგრამაში ჩართვის მსურველმა უნდა მიმართოს მერიას, წარმოადგინოს პირადობის მოწმობის/პასპორტის ასლი და შეავსოს განაცხადი.
- გარდაბნის მუნიციპალიტეტის მერის წარმომადგენელი (შემდეგში „მერის წარმომადგენელი“) ადგენს აქტს მოსარგებლის სოციალურ-ეკონომიკური (ფაქტობრივი) მდგომარეობის შესახებ.
- მერია პირის პროგრამაში ჩართვის გადაწყვეტილებას იღებს მომართვის რიგითობის მიხედვით ადგილების შევსებამდე (30 ადგილი) და აცნობებს მომსახურების მიმწოდებელ ორგანიზაციას.
- პროგრამაში ჩართვა დასტურდება ხელშეკრულებით, რომელსაც ხელს აწერს მომსახურების მიმწოდებელი ორგანიზაციის უფლებამოსილი პირი და პროგრამით მოსარგებლე.
- პირის პროგრამაში ჩართვის შემდეგ ხორციელდება მოსარგებლის ძლიერი მხარეების, ინტერესების და საჭიროებების პირველადი შეფასება, რის მიხედვითაც განისაზღვრება სრული შეფასება ესაჭიროება პირს თუ მხოლოდ დაინტერესებულია ჯგუფური აქტივობებით.
- სრული შეფასების საჭიროების გამოვლენისას შემთხვევის მართვის სპეციალისტი გაწერს ინდივიდუალურ გეგმას და ახორციელებს მას.
- სხვა საჭიროებებით დაინტერესებული ბენეფიციარები ერთვებიან დღიურ და ჯგუფურ აქტივობებში.
- პროგრამიდან ბენეფიციარის ამორიცხვა განხორციელდება ხელშეკრულებით გათვალისწინებული პირობების მიხედვით.
- პროგრამაში ჩართვის მსურველთა ჭარბი რაოდენობის შემთხვევაში იფუნქციონირებს მომლოდინეთა რეესტრი.