1. პროგრამით მოსარგებლე

• გარდაბნის მუნიციპალიტეტში რეგისტრირებული და მცხოვრები სიღარიბის ზღვარს მიღმა მყოფი ოჯახები, რომელთა სარეიტინგო ქულა არ აღემატება 5 000-ს;
• დედ-მამით ობოლი ბავშვები (18 წლამდე);
• შეზღუდული შესაძლებლობის სტატუსის მქონე 18 წლამდე ასაკის ბავშვები (ეტლით მოსარგებლეები, დაუნის სინდრომის, ცერებრალური დამბლის, ან მხედველობის დაქვეითების მქონენი);
• შეზღუდული შესაძლებლობის სტატუსის მქონე ვეტერანები (კოდი – 311, 312, 313);
• სახელმწიფო მზრუნველობიდან ბიოლოგიურ ოჯახებში რეინტეგრირებული ბავშვები;
• „ბავშვის უფლებების დაცვისა და მხარდაჭერის პროგრამის“ ბენეფიციარები;
• შეზღუდული შესაძლებლობის მქონე პირები (მხედველობადაქვეითებული – მკვეთრად გამოხატული);
• სოციალურად დაუცველი მარტოხელა პენსიონერები (100 000 ქულის ჩათვლით).

2. მოსარგებლეების დაფინანსების ზოგადი წესი

• პროგრამის ფარგლებში დახმარების მისაღებად ბენეფიციარი წერილობითი განცხადებით მიმართავს და სრულყოფილ დოკუმენტაციას წარუდგენს გარდაბნის მუნიციპალიტეტის მერს (შემდეგში „მერი“) ან გარდაბნის მუნიციპალიტეტის შესაბამის ადმინისტრაციულ ერთეულში მერის წარმომადგენელს (შემდეგში „წარმომადგენელი“). მიღებული დოკუმენტაცია შესასწავლად იგზავნება მერიის ჯანმრთელობის, სოციალური, ბავშვის უფლებების დაცვისა და მხარდაჭერის სამსახურში (შემდეგში „სამსახური“). „ბავშვის უფლებების დაცვისა და მხარდაჭერის პროგრამის“ ბენეფიციარის შემთხვევაში, სამსახურს წერილობით მიმართავს გარდაბნის მუნიციპალიტეტის მერიის ჯანმრთელობის, სოციალური, ბავშვის უფლებების დაცვისა და მხარდაჭერის სამსახურის ბავშვის უფლებების დაცვისა და მხარდაჭერის განყოფილება (შემდეგში „ბავშვის უფლებების დაცვისა და მხარდაჭერის განყოფილება“).
• პროგრამა ითვალისწინებს ზამთრის პერიოდში (იანვარი, თებერვალი, ნოემბერი, დეკემბერი) გათბობის უზრუნველსაყოფად ფინანსურ დახმარებას, თვეში 50 (ორმოცდაათი) ლარის ოდენობით.

3. დახმარების მისაღებად მერიაში წარსადგენი დოკუმენტები

• განცხადება;
• ბენეფიციარის ან/და მეურვის/მზრუნველის/მხარდამჭერის პირადობის მოწმობის ასლი;
• მეურვეობის/მზრუნველობის/მხარდაჭერის დამადასტურებელი დოკუმენტი (ამ პროგრამის 2 პუნქტის „ბ“ და „გ“ ქვეპუნქტების შემთხვევაში);
• ბავშვის(ების) დაბადების მოწმობის ასლი (ამ პროგრამის 2 პუნქტის „ბ“, „გ“, „ე“ ქვეპუნქტების შემთხვევაში);
• მშობლების გარდაცვალების მოწმობების ასლები (ამ პროგრამის 2 პუნქტის „ბ“ ქვეპუნქტის შემთხვევაში);
• სსე აქტის ამონაწერი ან/და ცნობა სოციალური მომსახურების სააგენტოდან შშმ სტატუსის შესახებ (ამ პროგრამის 2 პუნქტის „გ“ და „ზ“ ქვეპუქტების შემთხვევაში);
• ცნობა ჯანმრთელობის მდგომარეობის შესახებ (ფორმა №IV-100/ა) (ამ პროგრამის 2 პუნქტის „გ“ ქვეპუნქტის შემთხვევაში);
• ვეტერანის მოწმობის ასლი (ამ პროგრამის 2 პუნქტის „დ“ ქვეპუნქტის შემთხვევაში);
• წერილი ან/და ცნობა ბავშვის რეინტეგრაციაში ყოფნის შესახებ (ამ პროგრამის 2 პუქტის „ე“ ქვეპუნქტის პუნქტის შემთხვევაში);
• ბავშვის უფლებების დაცვისა და მხარდაჭერის განყოფილების წერილი „ბავშვის უფლებების დაცვისა და მხარდაჭერის პროგრამის“ ბენეფიციარების შესახებ (ამ პროგრამის 2 პუნქტის „ვ“ ქვეპუნქტის შემთხვევაში);
• მერის წარმომადგენლის აქტი, სადაც დასაბუთებული იქნება, რომ განმცხადებელი არის მარტოხელა, არ ჰყავს შვილი და მარჩენალი (ამ პროგრამის 2 პუნქტის „თ“ ქვეპუნქტის შემთხვევაში);
• საბანკო რეკვიზიტები.